سنة وأنتوا طيبين فى رمضان كل الناس محتاجة تجرب جو الفطار فى شارع المعز وتعيش الأجواء الرمضانية بحق وحقيقى

وطبعا رمضان أحلى مع عشاق المعز

وبكدة حيكون حققنا حلم ناس كتير وتانى حاجة حنتجمع كلنا بعد الفطار ونطلع على وكالة الغورى نحضر حفل فرقة التنورة

تفاصيل افطار عشاق المعز :
حنتجمع يوم 12 رمضان على كافيه فى اول الدرب الاصفر امام بيت السحيمى بدءاً من الساعة 5:30 مساء
كل واحد حيجيب أكله معاه من أى مكان هو عاوزه وعلى فكرة فى محلات مأكولات كتير فى شارع المعز وبأسعار عادية .

* حنقعد كلنا نفطر على الكافيه وكل واحد ياخد مشروبه .
* حننتهى من الفطار ونقعد مع بعض نغنى أغانى رمضان لحد الساعة 8:30
* حنطلع على وكالة الغورى لحضور حفل فرقة التنورة واللى حيبدأ الساعة 9:30 ورسم دخول الحفل 5 جنيه
* البرنامج كاملا انت اللى حتدفع حقه يعنى من الاخر مفيش حجز

إزاى أوصل لبيت السحيمى :
بص يا سيدى أنت حتركب مترو وتنزل محطة مترو العتبة او رمسيس ومن هناك حتاخد عربية للحسين وتنزل الغورية وتعدى الناحية التانية حتلاقى شارع المعز تمشى حوالى عشر دقايق حتلاقى بيت السحيمى .
ولو حتركب من العتبة اول ما تخرج من المترو حتلاقى العربية بـ 3 جنيه خليك مدقدق امشى شويه لحد اول كوبرى الازهر حتلاقى العربية بـ 1,50 .
وممكن تركب مترو وتنزل محطة باب الشعرية وتمشى فى شارع امير الجيوش او النحاسين لحد آخره يمين اول حارة عالشمال حتلاقينا فى انتظارك
ملحوظة :

* الافطار بدون حجز او شروط وممكن اى حد ييجى

* قبل موعد الإفطار بيومين حنحتاج من كل اللى حيحضر معانا الفطار تأكيد الحضور عشان نقدر نحصر الأعداد عشان العدد محدود فى الكافيه وبكدة نقدر نجيب كراسى لضمان كل واحد انه يفطر معانا
للاستعلام :
أدمن : أحمد صابر
01286000251
01019337349